ಟೆಲಿಗ್ರಾಮ್ ಮೂಲಕ ಕೆಲಸದ ಆಫರ್ ನೀಡಿ ಮಹಿಳೆಯ ವೈಯಕ್ತಿಕ ಮಾಹಿತಿ ಪಡೆದು, ಲಾಭದ ನಂಬಿಕೆ ನೀಡಿ ಲಕ್ಷಾಂತರ ಹಣ ವಂಚಿಸಿದ ಗ್ಯಾಂಗ್
ಇತ್ತೀಚೆಗಷ್ಟೇ ಮಂಗಳೂರು ಮೂಲದ ಮಹಿಳೆಯೊಬ್ಬರು “ವರ್ಕ್ ಫ್ರಂ ಹೋಮ್” ನಂಬಿಕೆ ಮೆರೆದು ₹20.62 ಲಕ್ಷ ಹಣವನ್ನು ಕಳೆದುಕೊಂಡಿರುವ ಘಟನೆ ಬೆಳಕಿಗೆ ಬಂದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಮೋಸದ ಜಾಲದಲ್ಲಿ ಇನ್ನೊಬ್ಬ ಬಲಿ ಆಗಿರುವುದು . ಮೇ 6ರಂದು, ಮಹಿಳೆ ಇನ್‌ಸ್ಟಾಗ್ರಾಂನಲ್ಲಿ ಕೆಲಸದ ಜಾಹೀರಾತು ಕಂಡರು. ‘ಪಾರ್ಟ್ ಟೈಮ್ ಆನ್‌ಲೈನ್ ವರ್ಕ್’, ‘ದಿನಕ್ಕೆ ₹2,000 ಗಳಿಸಿ’, ಅಂತಹ ಶೀರ್ಷಿಕೆಗಳಿಂದ ಆ ಆಫರ್ ಆಕರ್ಷಣೀಯವಾಗಿತ್ತು.
ಜಾಹೀರಾತಿನ ಲಿಂಕ್ ಕ್ಲಿಕ್ ಮಾಡಿದ ತಕ್ಷಣ, ಟೆಲಿಗ್ರಾಮ್ ಆ್ಯಪ್ ಮೂಲಕ ಸಂಪರ್ಕ ಆರಂಭವಾಯಿತು. ಇಂದಿನಿಂದಲೇ ಕೆಲಸ ಪ್ರಾರಂಭಿಸಬಹುದು ಎಂಬ ಭರವಸೆ ನೀಡಿದರು.ಮಹಿಳೆಗೆ ಮೊದಲಿಗೆ ಸರಳ ಟಾಸ್ಕ್‌ಗಳು ನೀಡಲಾಯಿತು — ರೆಸ್ಟೋರೆಂಟ್ ಅಥವಾ ಹೋಟೆಲ್‌ಗಳಿಗೆ ಲೈಕ್ ಹಾಕುವುದು, ರಿವ್ಯೂ ಬರೆಯುವುದು ಮತ್ತು ಸ್ಕ್ರೀನ್‌ಶಾಟ್ ಕಳಿಸುವುದು. ಪ್ರತಿ ಟಾಸ್ಕ್ ನಂತರ ₹120 ವರೆಗೆ ಪಾವತಿ ಕೂಡಾ ಮಾಡಲಾಯಿತು.
ಹೀಗೆ ಕೆಲ ದಿನಗಳಲ್ಲಿ ಮಹಿಳೆಗೆ ‘ಸಾಲರಿ ಕೋಡ್’ ಕೊಟ್ಟು, ನಿಜವಾದ ಕೆಲಸ ಎಂಬ ಭರವಸೆ ಹುಟ್ಟಿಸಿದರು. ನಂತರ ಅವರು ಬ್ಯಾಂಕ್ ಖಾತೆ ವಿವರಗಳನ್ನು ಕೇಳಿದರು
ಮಹಿಳೆಯನ್ನು ಬಹುಮಾನ ಗಳಿಸಲು, ಹೆಚ್ಚೆಚ್ಚು ಟಾಸ್ಕ್‌ಗಳಿಗೆ ಅವಕಾಶ ಕೊಡಲಾಗುತ್ತಿದೆ ಎಂದು ಹಲವಾರು ಟೆಲಿಗ್ರಾಮ್ ಗುಂಪುಗಳಿಗೆ ಸೇರಿಸಲಾಯಿತು. ನಂತರ “ಮೀನಾ ರೆಡ್ಡಿ” ಎಂಬ ನಾಮಧಾರಿ ವ್ಯಕ್ತಿಯೊಬ್ಬರು ಬಂದು, ಮಹಿಳೆಯನ್ನು ಒಂದು ಟ್ರೇಡಿಂಗ್ ಪ್ಲಾಟ್‌ಫಾರ್ಮ್‌ಗೆ ಲಾಗಿನ್ ಮಾಡಿಸುವಂತೆ ಹೇಳಿದರು.
ಅಲ್ಲಿಂದ “ರಾಜೇಶ್ ವರ್ಮಾ”, “ರೋಹಿತ್ ಶರ್ಮಾ”, “ಲಕ್ಕಿ ಸಿಂಗ್”, “ರವಿಪಟೇಲ್” ಎಂಬ ಹೆಸರುಗಳಿಂದ ವ್ಯಕ್ತಿಗಳು ಬಂದು, ಪ್ರತ್ಯೇಕವಾಗಿ ಮಾರ್ಗದರ್ಶನ ನೀಡುವ ಹೆಸರಿನಲ್ಲಿ ಮಹಿಳೆಯೊಂದಿಗೆ ನಂಟು ಬೆಳೆಸಿದರು.
ಪ್ರತಿ ಹಂತದಲ್ಲಿಯೂ ಲಾಭದ ನಂಬಿಕೆ ನೀಡಿ ಸಣ್ಣ ಮೊತ್ತ ಪಾವತಿ ಮಾಡುತ್ತಾ, ಮುಂದೆ ಹೆಚ್ಚು ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭ ಸಿಗುತ್ತದೆ ಎಂದು ನಂಬಿಸಿದರು.ಮಹಿಳೆ ಹಂತ ಹಂತವಾಗಿ ₹20.62 ಲಕ್ಷವರೆಗೆ ಹಣವನ್ನು ಗೂಗಲ್ ಪೇ, ಫೋನ್ ಪೇ, ಬ್ಯಾಂಕ್ ಟ್ರಾನ್ಸ್ಫರ್ ಮೂಲಕ ಕಳುಹಿಸುತ್ತಾ ಹೋದರು.
ಹೆಚ್ಚು ಹಣ ಕಳೆದುಕೊಂಡ ಮಹಿಳೆ ತಕ್ಷಣ ಮಂಗಳೂರು ಬಜ್ಪೆ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದರು. ಇದೀಗ ಪ್ರಕರಣ ದಾಖಲಾಗಿದ್ದು, ಪೊಲೀಸರು ವಂಚಕರ ಸಂಪರ್ಕ, ಹಣ ಹಾದಿ ಹಾಗೂ ಅಡ್ಮಿನ್ ಗುರುತಿಸಲು ತಂತ್ರಜ್ಞಾನ ವಿಭಾಗದ ಸಹಾಯದಿಂದ ತನಿಖೆ ಮುಂದುವರಿಸುತ್ತಿದ್ದಾರೆ.
